名字的由來...

[sixcsixc]

我見到有會員覺得個板呢排好靜，所以想講下一d野...希望各位原諒我在呢度講廢話..
我近排開左個人物叫 信義YY楊 ..(druid lv3x 半身人)咁到底點解我改呢個"Q口兼彬手"既名呢...(可能以下一些對話只有住在香港既人先睇得明，同時，若有挑釁成份請即cancel..敬請原諒)

在九龍窩打老道..廣華E院對面有間叫信義中學既學校，因為果間學校是在一座山既山腳，所以係唔可以水平線咁望到學校，一定要向上望...而果間學校曾經有一年中三班級(簡稱★班)...藉住呢個有利條件而向窗口掟一些東西，，跟住d人又要向上望一望，而果班人趁住呢個超短暫時間即刻伏下..咁就神不知，鬼不覺~:D

果陣最輕用蘋果掟落街，因為果陣學校幫中一至中三級訂午飯，而又附送蘋果，間接運左些武器比★班...又唔洗買..比人發現話食左..正!!

講到呢度，大家都差唔多知結局架啦，就係★班既搞野行為比人發現~其實都唔算係咩發現，係有些比我地鎖定左既target打電話投訴學校，學校就搵人check...跟住★班有些二五仔告密...而★班既班主任唔單止冇幫下自己班講下d好說話，反而加左幾條罪，★班果d搞事之徒亦冇辦法，唯有認罪算了~

講度呢度大家係咪仲未明我點解改呢個名呢..?!就係因為呢個★班既班主任花名囉~~★班既班主任是姓楊..剛好佢個名加埋姓既頭一個英文字母都係Y...因此又名YY楊....而有次★班有名學生曾經說出呢個名，又剛被這個人聽到....本來都諗住講下之嘛，點知呢個班主任鬼咁小器，記左呢個學生缺點，好慘
:( .....好~~你唔比我講嘛，我就偏要講，仲要唱通街，你吹咩~咦..?!EQ人物要改名喎.....呀...係你啦....信義YY楊~~~~~~:cool:

[邪狼王左特]

烙印戰士中新鷹之團衝鋒隊隊長使徒"左特",動晝版名稱~

[泉野明]

機動警察的泉野明!!(我愛阿魯凡):D

[BBhong]

唔係ma.. 比人講吓花名就記缺點
想當年我同班主任改唔少花名啦
好在佢冇記我缺點